Årets utstillarar på Kanaldagane UTSTILLARAR Ei mengde varierande utstillarar er å finne hjå Kanaldagane. Her er salsboder, demonstrasjonar, informasjon, matservering, veteranbåtar og anna. Utstillarar Veteranbåtar Utstillarar Filtrer etter kategori Veteranbåtar Skøyte Kløvningen 1965 Bygget ved Moen i Lyngør bygget et eksemplar av denne typen i Norge. Med attarhald om eventuelle endringar.

Kanaldagane er underhaldning, messe og tradisjon. Kanaldagane er den største årlege messa på Bømlo med både marknad og festival. Program Årets artistar Utstillarar Nyhende Har du sett Finnåsvikjo i svartastidlå, i solesprett med skoddedottar? Har du sett idyllen i Kuleseid med kveldssol over Trøytarosen? Då har du fått ein gløtt inn i Paradiset! Up Velkommen til Kanaldagane 5. - 7. september 2025 Her samlast fleire tusen besøkande kvart år for å oppleve idyllen, marknaden, utstillarane og underhaldinga i og ved Kuleseidkanalen. I 2025 vert det 21. gongen Kanaldagane vert arrangert sidan 2002 Les meir Underhaldning Me har ei mengde fengjande underhaldning for både store og små. Alt skjer i eit stort telt godt beskytta mot både sol og regn. For dei minste Hoppeslott, Eliasbåt, bobledisko og underhaldning frå scenen fengjer dei minste Utstillarar Ser du etter honning, ny båt, pannekaker, solcellepanel eller strikkesokkar? Me har ein stor variasjon i utstillarar. For dei over 18 Kveldsunderhaldninga er populær blant lokale og tilreisande. Hugs billett. Veteranbåtar Ei mengde flotte skøyter, kryssarar, seglbåtar og anna besøker oss og kan takast i nærare augesyn. Tradisjon Presten kjem sjøvegen til gudstenesta, rodd i ein tradisjonsrik færing. Sjå programmet Takk for i år! Kanaldagane 2024 er kommen til vegs ende. Bobledisco for dei minste Me rettar ei stor takk til publikum som tok turen til oss. Rundt 3500... Innlegg ikke merket som likt Endringar i årets messe Me har gjort nokre endringar i årets messe for å skape ei betre oppleving for publikum. Ei av endringane me har gjort er å flytte... Innlegg ikke merket som likt Me er i gong! Kanaldagane 2024 er i gong. Vèret har tørka opp, metorologane lovar lettskya fint vèr gjennom heile helga, ja til og med periodar med... Innlegg ikke merket som likt

Kanaldagane sine sponsorar SPONSORAR Sponsorane våre er viktige bidragsyterar for at me skal klare å arrangere Kanaldagane. Dersom sponsoren har oppgitt nettsida si til oss kan du gå direkte til denne ved å trykke på sponsornamnet. Finnås Auto AS Alsaker Fjordbruk AS

Kanaldagane 2024 er kommen til vegs ende. Bobledisco for dei minste Me rettar ei stor takk til publikum som tok turen til oss. Rundt 3500 besøkande vitja Kanaldagane i løpet av dei tre dagane og kveldane arrangementet varte. Laurdag kveld var heile 669 personar samla i teltet for å oppleve Ingenting og Splint. Me håpar årets arrangement fall i smak og at ein allereie no gledar seg til neste år. Også i år klarte me å bemanne vaktplanen vår med alle dei oppsatte 845 timane fordelt på 259 ulike vakter. Ei enormt stor takk til alle frivillige, både dei som er med år etter år, og dei som var med for første gong. Utan dåke kunne me ikkje arrangert Kanaldagane. Overskotet frå arrangementet går som vanleg tilbake til laga og organisasjonane som dei frivillige representerer og bidreg til å skape aktivitet for små og store gjennom heile året. Takk til utstillarane som var med å gjere arrangementet til ei minnerik helg. Alle som sit i styringsgruppa til Kanaldagane fortjener og ei stor takk. Eit år med planlegging, møtevirksomhet og organisering vert avslutta med ei helg der det arbeidast frå tidlig morgen til langt ut på natta. Ein enorm innsats vert lagt ned for å lose arrangementet i hamn. Riggegruppa er allereie i gang med å plukke ned utstyr, dette vil føregå også dei neste kveldane. Når det er gjort skal styringsgruppa ta ein velfortjent kvil nokre dagar før ein samlast for evaluering og startar planlegginga for Kanaldagane 2025. Me sjåast i og rundt Kuleseidkanalen til neste år!

Me har gjort nokre endringar i årets messe for å skape ei betre oppleving for publikum. Ei av endringane me har gjort er å flytte utstillingane som tidligare stod langs kanalbreidda og sperra mykje av innsynet til alle dei flotte båtane bort på kaien ved gjestehamna. Årets område er difor større enn tidlegare og går heilt frå den raude hallen der det er innandørs utstillingar, og heilt bort til gjestehamna. Me har og oppretta fjernparkering på Våge. Det går gratis shuttlebuss mellom Våge og Kuleseidkanalen heile laurdagen. Innsleppet er endra med separat billettkjøp og veksling til armband slik at køen vert avvikla meir effektivt. Billetten byter du i armband i det blå teltet ved inngangen. Vegen langsmed bakken er utvida slik at det vert mindre trengsel her. Håpar du likar endringane me har gjort. Nyt dagen i og ved Kuleseidkanalen.

Kanaldagane 2024 er i gong. Vèret har tørka opp, metorologane lovar lettskya fint vèr gjennom heile helga, ja til og med periodar med skyfri himmel, utstillarane er på plass og me er klare for å ta imot publikum. Me har 39 ulike utstillarar på messa, og 10 flotte veteranbåtar ligg fortøyd langs kanalbreidda. Me har show, underhalding, konsertar og gudsteneste på menyen. Her finn du noko både for dei minste, dei mellomste og dei største. Våre 149 frivillige skal utføre 845 timar arbeid fordelt på 259 ulike vakter. Dette i tillegg til styringsgruppa som har planlagt arrangementet heilt sidan oktober i fjor, og som jobbar bortimot dag og natt gjennom helga for å halde flyt på billettar, betaling, straumtilførsel, standplassering, veteranbåtar, parkering og alt anna som må til for at arrangementet skal bli vellykka. På toppen kjem innleigde sanitetsvakter og sikkerhetsvakter. Kanaldagane vert drive av 6 frivillige lag og organisasjonar. Heile overskotet frå Kanaldagane går tilbake til desse og er eit viktig bidrag for at desse kan skape aktivitet for born og vaksne gjennom heile året. I kveld kan du oppleve show og dans med den originale duoen til Synth å Le. Me har masse plass og er klare for å treffe deg i kveld. Har du enno ikkje kjøpt billett på nett er det og mogleg å gjere dette i billettbua eller i inngongen. Laurdag har me masse fint på programmet. Sjekk det ut på nettsida. I morgon kveld møter me Ingenting i festivalteltet. Her byrjar det så smått å minke på billettane så ikkje vent for lenge om du vil sikre deg. Søndag startar me med gudsteneste, før det vert fleire flotte konsertar å oppleve. Hjertelig velkommen til Kanaldagane 2024!