Bandet er kjenneteikna som bandet med det gode humøret og det allsidige repetoaret, kor det å skape god stemning blant publikum er ei sjølvfølgje. Splint er eit band som dei siste åra har turnert heftig og fått svært rosande omtalar. Bandet har dei siste åra spelt på mange store festivalar, og har eit repetoar av både country, dans og allsong. Alle som har hatt gleda av å oppleve Splint veit kva dei er gode for og gutane i Splint er kjent for å gje 100% kvar gong dei står på scena. Splint vart etablert i 2012 og består av dyktige musikarar som saman og kvar for seg har long erfaring frå andre band, studioprosjekt og som backing frå andre artistar. Splint kjem til Kanaldagane 2024 og spelar som supportband for Ingenting på laurdagskvelden.

Det legendariske rockebandet Ingenting vart starta på Austrått i Sandnes allereie i 1989. Bandet held stadig koken, og det skjer mykje spanande rundt dei. Det er tydelege teikn på at ei ny "Ingenting-bølge" er i ferd med å byggje seg opp blant yngre generasjonar, i tillegg til den allereie trufaste fanskaren gjennom snart 35 år. Publikum elskar dei, mykje takka være at dei er eit særdeles velspelande liveband som berre aldri gir seg. Ingenting spelar for fulle hus gong på gong, og allsongen og festhumøret er 100% garantert. Dei leverer alltid klassikarar som "Liden," "Hiv-positiv," "Gje faen i det" og "Salg i dag." Ingenting er hovudkveldsattraksjonen under Kanaldagane 2024. Gled deg!

I morgon, onsdag 28.02.2024, brakar det laus med presentasjon av kveldsunderhaldninga under Kanaldagane 2024. Me gledar oss enormt og håpar du gjer det same. Kl 12:00 presenterer me første innslag av fredagsunderhaldninga. Kl 14:00 presenterer me musikkunderhaldning på fredagskvelden. Kl 18:00 presenterer me hovudattraksjonen laurdagskvelden. Kl 19:00 presenterer me supportband for laurdagskvelden. Kl 19:00 opnar me og billettsalet, inkludert 50 earlybird billettar som inkluderer både fredag- og laurdagskvelden. Føl med på nettsida vår!

Kanaldagane vert arrangert for 20. gong i helga 30. august til 1. september. Vinteren held enno godt tak på Bømlingane, men styringsgruppa i Kanaldagane ligg ikkje i dvale av den grunn. Me er godt i gong med planlegging av årets arrangement, og fredag 9. februar startar me presentasjon av årets program og underhaldning. Her vil det bli ei fin blanding av tradisjonar og heilt ny underhaldning som ein aldri før har fått oppleve under Kanaldagane. Me gledar oss til å starte presentasjonen. Så snart artistane er presentert opnar billettsalet. Me har opplevd utsolgte førestellingar fleire gonger dei siste åra, så her er det ingen grunn til å vente om ein vil sikre seg plass til årets kjekkaste seinsommararrangement. Følg med!

Kanaldagane 2023 er overstått. Utstillarane er reist og festivalteltet er pakka ned. Tilbake ligg Kuleseidkanalen like idyllisk og vakker som alltid. Heile 228 meter med utstilling var å finne langs kanalen denne helga. Rundt 3000 besøkande, rekordbesøk på fredagsdansen og utsolgt på laurdagsdansen vart fasiten. Det går med omtrent 1000 dugnadstimar for å arrangere Kanaldagane. Rundt 600 av desse vert utført under sjølve arrangementet. I tillegg kjem innleigde sikringsvakter frå PSS Securitas og førstehjelp frå Bømlo Røde Kors. Visste du forresten at heile overskotet frå Kanaldagane vert fordelt til dei frivillige laga som er med å arrangerer Kanaldagane? Sjølv om Kanaldagane kun er ei helg i året er det difor eit viktig arrangement som bidreg til det frivillige organisasjonslivet rundt oss, året rundt. Me seier oss særs nøgde med årets arrangement og vil takke alle som tok turen, alle utstillarane og ikkje minst alle frivillige som stiller opp år etter år. I karusellen under finn du eit knippe bilete frå årets arrangement Me sjåast til neste år!

Konsert og dans med Gunslingers og Rabbagast er utsolgt. Det vert fullt "hus" laurdagskvelden. Frykt likevel ikkje om du kjenner at det rykker i både dansefot og lattermusklar. Det er ledige billettar til Creedence Forever på fredag. Før konserten får me eit framifrå humorshow av Bergesen & Torget.

07000 Bømlo opprettar haldeplass under Kanaldagane 2023 Etter konsert og dans både fredag og laurdag er det berre å opprette god kø-kultur oppe ved haldeplassen, så kjem 07000-bilane og kjører ein heim etter tur. For dei som skal til Kuleseidkanalen desse dagane kan det vere lurt å førehandstinga på telefon 07000, i appen 07000taxi eller på nett 07000.no/bomlo Skyss har også satt opp ein Trygt Heim maxitaxi. Dette er eit tilbod for ungdom opp til 21 år. Sjåføren tek ikkje kontant slik at billett må kjøpast i Skyss-appen.

Sammy Olsen er ordførar i Bømlo kommune og representerer Senterpartiet. Ordføraren står for den offisielle opninga av dei nittande Kanaldagane laurdag 2. september kl 11:45.

Diverre måtte Sjøfartsdirektør Hareide kansellere sitt besøk til Kanaldagane 2023, og kan difor ikkje forstå opninga slik som planlagt. Me beklagar dette og arbeidar med eit godt alternativ.

Hjelland Galleri og Rammeverkstad vil også i år ha kunstutstilling i bedehuset. Utstillinga held ope i Kanaldagane si ordinære opningstid. Du kan lese meir om galleriet på Opplev Bømlo sine nettsider. På galleriet finn ein mange bilde. Galleriet og rammeverkstaden har ope etter avtale på telefon og dei fleste torsdagar. Her kan ein også få ein drøs og info om lokal kulturhistorie.

Med Unni Hilt i spissen vert det igjen klart for trampeklapp og god stemning i Kanalen. Sist dei vitja Kanaldagane i 2017 kunne me lese i Bømlo-nytt at arrangøren måtte hente inn ekstra stolar for å få plass til alle som ynskte å oppleve showet. Unni Hilt og Hibbi Mannes syng ABBA-låtar på eit høgt nivå saman med eit fantasisk band. Du får møte: Unni Hilt, vokal Hibbi Mannes, vokal Johannes Støle, vokal, keys Rudolf Fredly, bass Jon Ørnes, gitar Svein Ragnar Myklebust, keys Dette vil du ikkje gå glipp av. Det vert ABBA tribute show under Kanaldagane 2023

Over 100 millionar Streams på Spotify har det blitt. Bandet jobbar med mykje nytt materiale og Gunslinger sin batteripakke er mildt sagt fullada. Gunslingers har vitja Kanaldagane før. Då rauk billettane ut alle som ein. Tør du vente før du sikrar deg din? Bandet har fått fele med som fast inventar. Gunslingers er idag det einaste Norske bandet som er komplett med fele, steel-gitar og telecaster. Det gjer det komplette Nashville soundet som kjenneteiknar høgkvalitets Countrymusikk. Alle som har vore på ein skikkelig Gunslingers konsert veit kva kjemi mellom scene og publikum som kan oppstå og som få, eller kansje ingen i landet klarar å konkurere mot. Utgivelsar : 2008 Norwegian Honky Tonk 2009 Ein Skål Te 2011 Viagra Biff og Bernaisesaus 2012 Live DVD og album frå Seljord Countryfestival 2013 Made In Norway 2015 Hashtag (single) 2016 Sommer 2017 3 Singler 2018 Hardanger 2020 Bukkejakt Trofe : 32-18 1 x Platina (singel) 32-18 Gull (singel) Viagra, biff og Bernaise Gull (singel) Viagra, biff og Bernaise 1 x platina (singel) Hardanger Gull (singel) Koffor kan ikkje eg Gull (singel) Hiakktreff på Osterøy Gull (singel) Frøken Gull (singel) Ein skål te Gull (album) Viagra, biff og Bernaise Album Gull (album) Hardanger Gull (album) Gunslingers kjem til Kanaldagane 2023