Creedence Clearwater Revival er som Beatles, eit band ingen vert lei av! Idag, meir enn 50 år sidan bandet blei oppløyst, er musikken og songene til Creedence like populære; Have You Ever Seen The Rain, Proud Mary, Bad Moon Rising, Fortunate Son - er songer dei fleste har eit forhold til og som me nynner og syng med til når me høyrer dei. Med tribute bandet Creedence Forever har me gleda av å invitere til ein musikalsk festaften av dei sjeldne! Her får du høyre alle dine favorittlåtar pluss låtar fra Creedence sine meir ukjente blues- og progsider; Alt levert med ei innleving og snert som set seg i sjela. Dei siste åra har Creedence Forever markert seg som et av Noregs råaste og mest populære Creedence-tribute band. Frå hele Sør- og Vest-Norge vert det meldt om utsolgte hus og konserter med fantastisk stemning. Creedence Forever kjem til Kanaldagane 2023. Tekst og foto frå creedenceforever.no

Kurt Inge Larsen er glad i heimbygda si. I 2016 laga han suksess-filmen «Melkevik gard på Bømlo - frå kommunesenter til turistmagnet». Seks år seinare kom boka «Magiske Melkevik». Her tar han lesaren med tilbake i tid, til Melkeviksbakkane på 1700-talet, til oldeforeldra Martha og Sjur Larsen, som kjøpte staden i 1882 og byrja etableringa av firma S.Larsen, ei bedrift som framleis er i drift; no i femte generasjon. I dette foredraget som er basert på boka fortel Kurt Inge Larsen om bygginga av den berømte Kulleseidkanalen, om korleis lokalsamfunnet har utvikla seg i dei 140 åra som er gått sidan Martha og Sjur slo seg ned på Melkevik. Han fortel om perioden Melkevik var politisk sentrum i kommunen, om legeordninga som kom, om tøffe krigsår, og etableringa av Kulleseidkanalen Gjestehamn med utviklinga den har hatt. Dette er Bømlohistorie – med basis i Finnåsområdet! Kurt Inge Larsen kjem til Kanaldagane 2023

Duoen vitjar Kanaldagane 2023 på fredagskvelden og diskar opp med humor av beste klasse. Ole Bergesen er oppvaksen på Fitjar, har bakgrunn som industriarbeidar og hotellmann men er først og fremst ein glimrande revyskodespelar med ei rekkje framifrå rollekarakterar. Stuntpoeten Arne Torget kjenner me blant anna frå ei rekkje humoristiske, satiriske og fengjande dikt og fortellingar. Saman vil dei sjå til at alle får trimma lattermusklane sine også i år. Bergesen & Torget kjem til Kanaldagane 2023

Duoen frå Karmøy har laga liv under Kanaldagane meir enn ein gong og er nesten som tradisjon å rekne på laurdagskvelden. Bent Stølås og Jan Inge Kvilhaugsvik er to humørspredarar som spelar den rette festmusikken med godt humør og speleglede. Dei har ei unik evne til å få opp stemninga og er difor ofte brukt som oppvarming til konsertar med artistar som Smokie, DDE eller Big Bang. Rabbagast kjem til Kanaldagane 2023.

Erling Solland gjer det umoglege mogleg gjennom spektakulære illusjonsnummer, eldsluking og trylling. Med ekte magi vert både fantasien og hjernevinningane sette i sving. Kanskje får ein frå publikum bli med som Erling sin assistent? Erling Solland har arbeida som profesjonell artist sidan 1983, og har vunnet ein rekke førsteprisar i både nasjonale og internasjonale meisterskap. Han har fem Noregs-turnear bak seg, fleire år som fast enterteiner på både Color-Line og Stena Saga samt langtidsengasjement i landets sine fremste familieparkar. Han har medvirka i ein rekke teaterproduksjonar og TV-program. Erling Solland arbeider og mykje for næringslivet. Han har trylla fram bilar ved billanseringar. Erling Solland har og laga spesialeffekter for film og teater. Me kan nemne Sigurd Drakedreper, Trollmannen fra Oz, Annie Get Your Gun, Jesus Christ Superstar, Operafantomet samt Cats i Stockholm og Solo. Erling Solland kjem til Kanaldagane 2023.

I eit portrettintervju med Bergensavisen i 2018 var overskrifta «Pratemaskinen fra Odda.» Roar Brekke har godt over 20 års erfaring som standup-komikar og har trimma mange lattermusklar med sin treffande humor. Det vert eit knakande kjekt show denne fredagskvelden. Etter shower spelar Totalt50 opp til dans, så her kan kvelden nytast heilt til teltet stenger kl 01:00. Fredag 2. september kl 2030.

VirrVarr har drevet med trylling i snart 35 år. Han skapar ein svært god atmosfære frå scenen og showa hans er veldig artige og engasjerande for alle i salen. VirrVarr er ein av dei svært få som har underheldt på juletrefesten til det Konglige slott og han var den første tryllekunstner fra Norden som vart tatt ut til å trylla i VM for born (Blackpool, Wintergarden 2012). Trylleshowet som er sett av over 300.000 born til no, får alltid både born og vaksne til å le og kosa seg. Laurdag kl. 13.15 i teltet

«Eg e kåt, eg e galen, eg e frå Setesdalen» er låten Åsmund Åmli Band er mest kjent for. Den låg 11 veker på Norsktoppen, og tre av dei på førsteplass. Bandet har seldt rundt 40000 album, samt blitt streama/lasta ned millionar av gonger i løpet av de 21 åra dei har haldt på. Musikkvideoeane deira har blitt vist utallige gonger på NRK – Svisj/You Tube etc. Det er likevel live-opptreden bandet er mest kjent for. Åsmund Åmli Band har spelt i dei fleste byar og avkrokar i Norge, og formidla speleglede, engasjement og show som går heim hos dei aller fleste i alle aldrar. Allsangfaktoren er høg når låtar som «Stomp og Vatn (Kåt og Galen)», «Påskerally på riksveg nr. 9» og «Eg e frå bygdinn» blir framført. Bandets motto er å alltid å setta publikum i høgsetet. I tillegg kjem Bent Stølås og Jan Inge Kvilhaugsvik frå Karmøy. Dei utgjer duoen «Rabbagast» og dei har ein eigen evne til å få god kontakt med publikum. Mange husker nok duoen frå tidlegare Kanaldagar der dei har laga ein fantastisk stemning i teltet. Dette blir party, dans og stor stemning, så ikkje vent for lenge med å kjøpa billett. Det er avgrensa plass i teltet. Dette arrangementet har skjenkerett og 18 års aldersgrense. Ein må kjøpa eigen billett til dette arrangementet, og det kan ein kun gjera på tikkio.com. Laurdag kl. 20.00 i teltet

Både i billettbua og i teltet kan du nytte dei fleste typar elektronisk betaling, både kort og mobilbetaling. Me tek og kontant betaling. Vipps kan ikkje nyttast ved betaling til Kanaldagane. Hjå utstillarane er det ulike løysingar som me ikkje har oversikt over, men dei aller fleste tek imot kortbetaling eller Vipps i tillegg til kontant.

Kanaldagane 2022 vart ein suksess. Gode besøkstal, ekte bømlahaust med sol frå skyfri himmel, ei mengde flotte utstillarar og masse god underhaldning var med å skape ei fantastisk ramme rundt heile arrangementet. Tett opp på 3000 besøkande vitja oss denne helga. Det er me svært glade for. Tusen takk til alle frivillige som var med og drog lasset. Utan dåke hadde det ikkje blitt Kanaldagar. Styringsgruppa brettar no opp armane og startar planlegginga av Kanladagane 2023. Me gledar oss til å sjå deg der.

Kjem du med telt, bubil eller båt er det gode overnattingsmoglegheiter hjå Kulleseidkanalen Gjestehamn. Det er og private som tilbyr overnatting i området. Lenker til overnattingsaktørar: Kulleseidkanalen Gjestehamn Airbnb